---
Wednesday, July 8 2020, 07:37 | बुधबार २४, असार २०७७ ०७:३७
सुदूरपश्चिममा शनिबार थप ९४ जनामा कोरोना पुष्टि

शनिबार, ०६ असार २०७७| बिष्णु प्रशाद भट्ट
सुदूरपश्चिममा शनिबार थप ९४ जनामा कोरोना पुष्टि

अत्तरिया २०७७ असार ६ गते शनिबार सुदूरपश्चिममा शनिवार थप ९४ जनामा कोरोना पुष्टि भएको छ। राष्ट्रिय जनस्वास्थ्य प्रयोगशालामा ९२ र शिक्षण अस्पताल महाराजगञ्जमा रहेको प्रयोगशालमा दुई जनामा कोरोना पुष्टि भएको हो।

राष्ट्रिय जनस्वास्थ्य प्रयोगशाला काठमाडौँमा भएको परीक्षणमा डोटीका नौँ महिला र ५२ पुरुष गरी ६१ जना, बैतडीका १८ पुरुष, डडेल्धुराका ५ महिला र सात पुरुष गरी १२ जना र कैलालीका एक पुरषमा कोरोना पुष्टि भएको स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा .जागेश्वर गौतमले बताए।

यस्तै शिक्षण अस्पतालको प्रयोगशालामा गरीएको परीक्षणमा कैलालीका दुई पुरुषमा पनि संक्रमण पुष्टि भएको उनले बताए। यो सँगै सुदूरपश्चिममा संक्रमितको संख्या ८ सय ७९ पुगेको छ।


शनिबार ०६, असार २०७७ ०४:४१ मा प्रकाशित ।

प्रतिकृया दिनुहोस